PM-KISAN
PM-KISAN : प्रधानमंत्री किसान सम्मान निधी योजना भारतातील शेतकऱ्यांसाठी आर्थिक मदत व्हावी या उद्देशाने दिनांक : ०१ फेब्रुवारी २०१९ रोजी सुरू करण्यात आली. दिनांक : २४ फेब्रुवारी २०१९ रोजी पीएम-किसान योजनेचा पहिला हप्ता उत्तर प्रदेश येथून माननीय प्रधानमंत्री यांच्या हस्ते वितरित करण्यात आला. एका वर्षात तीन टप्प्यात २०००/- प्रमाणे लाभार्थ्यांच्या आधार लिंक असलेल्या बँक खात्यात थेट लाभ हस्तांतरण DBT (Direct Benefit Transfer) अंतर्गत वर्ग केले जातात.
● प्रसिद्धी :- "प्रधानमंत्री किसान सम्मान निधी योजना" कृषी व शेतकरी कल्याण विभाग, कृषी व शेतकरी कल्याण मंत्रालय, केंद्र शासनामार्फत राबविण्यात येते. सर्व शेतकरी कुटुं बांना या योजनेचा लाभ मिळवा म्हणून, शासनस्तरावर शेतकऱ्यांना योजनेची माहिती व्हावी यासाठी जाहिरात, शेतीशाळा, चलचित्र, बातम्या, वर्तमानपत्र, आकाशवाणी प्रसारण, सामाजिक माध्यम, फलक अशा अनेक माध्यमांचा वापर केला जातो
● अर्थ सहाय्य :- प्रधानमंत्री किसान सम्मान निधी योजना ही १००% केंद्र शासनाची योजना असून, योजनेस भारत सरकारचे १००% अर्थसहाय्य आहे. 'प्रधानमंत्री किसान सम्मान निधी योजना' व 'नमो शेतकरी महासन्मान निधी योजना'पात्र आणि अपात्र मापदंड ठरलेले आहेत. त्यासाठी आवश्यक शर्ती व अटी पूर्ण केलेले शेतकरी कुटुंबांना या योजनेचा लाभ मिळेल. आर्थिक श्रेणीतील व्यक्ती या योजनेसाठी पात्र असणार नाही.
● संनियंत्रण :- PM Kisan योजनेचा निधी वितरित करण्यासाठी स्वतंत्र प्रणाली विकसित करण्यात आली आहे. नियंत्रणासाठी ग्रामस्तरीय, तालुकास्तरीय, जिल्हास्तरीय, आणि राज्यस्तरीय समिती स्थापन करण्यात आली आहे.
● कार्यपद्धती :- योजनेचे हप्ते वितरित करण्याचा कालावधी पहिला हप्ता एप्रिल ते जुलै, दुसरा हप्ता ऑगस्ट ते नोव्हेंबर, तिसरा हफ्ता डिसेंबर ते मार्च दर चार महिन्यांनी २०००/- रुपये असे एकूण ६०००/- रुपये एका वर्षात तीन हप्त्यात शेतकऱ्यांच्या आधार लिंक बँक खात्यात वर्ग करण्यात येतात.
● कागदपत्रे :- पीएम-किसान योजनेचा लाभ घेण्याकरिता शेतकऱ्यांना नवीन नोंदणी किंवा माहिती अद्ययावत करण्यासाठी कागदपत्रे सादर करणे आवश्यक आहे.
१. आधार कार्ड (Aadhar Card)
२. बँक खाते पुस्तक ( Bank Passbook)
३. सातबारा किंवा वनपट्टा (Satbara OR Vanpatta)
४. ना हरकत प्रमाणपत्र (No Objection Certificate - NOC)
टीप :- पीएम किसान योजनेचा लाभ घेण्यासाठी लाभार्थ्यांना आधार लिंक बँक खाते व आधार कार्ड भ्रमणध्वनी क्रमांक (Mobile Number) लिंक असणे
● पात्रता :- Pradhanmantri Kisan Samman Nidhi योजनेचा लाभ घेण्यासाठी कृषी व शेतकरी कल्याण विभाग, कृषी व शेतकरी कल्याण मंत्रालय, केंद्र शासनामार्फत अधिसूचित केलेली पात्रता आणि अटी व शर्ती खालीलप्रमाणे -
१. भारतीय शेतकरी कुटूंबातील कुटूंब प्रमुख व १८ वर्षा वरिल व्यक्ती योजनेचा लाभ घेऊ शकतो.
२. लाभार्थी व्यक्तीच्या नावे शेतजमीन असणे किंवा सामायिक जमीन असल्यास "ना हरकत प्रमाणपत्र" आवश्यक.
३. Kisan Kisan Samman Nidhi योजनेचा लाभ घेण्यासाठी थेट लाभ हस्तांतरण DBT (Direct Benefit Transfer) असल्याने लाभार्थ्यांकडे आधार लिंक बँक खाते असणे बंधनकारक राहील.
४. आधार आणि भ्रमणध्वनी क्रमांक लिंक असणे आवश्यक आणि पीएम किसान पोर्टलवर नोंदणी करणे तसेच लाभार्थ्यांची अद्ययावत माहिती देणे बंधनकारक राहील.
५. कृषी व शेतकरी कल्याण विभाग, कृषी व शेतकरी कल्याण मंत्रालय, भारत सरकार यांच्याकडून वेळोवेळी निर्गमित केलेल्या अटी व शर्ती पूर्ण करणे बंधनकारक राहील.
● अपात्रता :- प्रधानमंत्री किसान सम्मान निधी योजना कृषी व शेतकरी कल्याण विभाग, कृषी व शेतकरी कल्याण मंत्रालय, भारत सरकार यांच्याकडून अधिसूचित केलेली अपात्रता आणि अटी व शर्ती खालीलप्रमाणे -
१. सर्व संस्थात्मक जमीन धारक व संवैधानिक पद धारण करणारे किंवा केलेले आजी व माजी व्यक्ती.
२. आजी व माजी लोकसभा किंवा राज्यसभा सदस्य, आजी व माजी विधानसभा किंवा विधान परिषद सदस्य, आजी व माजी महानगरपालिकेचे महापौर, आजी व माजी जिल्हा परिषदेचे अध्यक्ष.
३. केंद्र व राज्य शासनाचे सर्व कार्यरत किंवा निवृत्त अधिकारी किंवा कर्मचारी.
४. शासन अधिकृत निमशासकीय संस्थांच्या अखत्यारितील कार्यालयांमधील आणि स्वायत्त संस्थांच्या सर्व अधिकारी किंवा कर्मचारी. (चतुर्थ श्रेणी किंवा गट "ड" वर्ग कर्मचारी वगळून)
५. सर्व निवृत्तीवेतनधारक व्यक्ती यांचे मासिक वेतन निवृत्तीवेतन रुपये १०,०००/- किंवा त्यापेक्षा जास्त आहे. (चतुर्थ श्रेणी किंवा गट "ड" वर्ग कर्मचारी वगळून)
६. मागील वर्षात आयकर भरलेले सर्व व्यक्ती प्रधानमंत्री किसान सम्मान निधी योजनेसाठी अपात्र ठरणार आहेत.
७. नोंदणीकृत व्यवसायिक (Registerd Business Man), चिकित्सक (Docter), वकील (Advocate), सनदी लेखापाल (Charted Accountant), अभियंता (Engineer), वास्तुशास्त्र (Architecture) इत्यादी क्षेत्रातील व्यक्ती. PM kisan